Ne iajamaw ne Yankwik Sentaketzat

Ne Yankwik Sentaketzat (Ἡ Καινὴ Διαθήκη, El Nuevo Testamento, The New Testament) se takutun ipal ne Bibliaj pal ne Cristianojmet (ne ukse takutun itukay ne Achtu Sentaketzat ush ne Sentaketzat Pal Ikman). Ne Yankwik Sentaketzat techilwia ken ijtuk iwan Yeshu ne Mawaltijtuk wan tay panuk kwak mikik.

Tik Ne iajamaw ne Yankwik Sentaketzat weli timumachtia ipanpa muchi tay nemi ijtik ne Yankwik Sentaketzat: shikita ne ajamat katani.

Ijtik ne Yankwik Sentaketzat nemit miak amat. Muchi ini ajamat mutajkwilujket tik ne shijshiwit walajket kwak tamik miki Yeshu, tik ne Greziajtaketzalis. Tipan mupatatiwit ini ajamat ijtik sujsul miak taketzalisn ipal ne taltikpak. Tik ne Yankwik Sentaketzat nemit yey clasej amat: ne yejyeknawatilis wan ne tajtajkwilul. Nusan nemit uk ume amat inte kalakit ijtik ini ume clajclasej: ne Tay Kichijket wan ne Taneshtilis. Miak tajkwiluani tekenhat tawawasujket ne ajamat.

• Nemit nawi yeknawatalis (evangelios); yejemet ne ajachtu amat ipal ne Yankwik Sentaketzat, intukay Matay, Marcus, Lukas wan Yojan. Muchi yejemet techilwiat ken ijtuk iwan Yeshu, tay tamachtij, ken mikik wan muyulkwepki senpa.

• Ne amat itukay Tay Kichijket (Hechos de los Apóstoles) witz ipan ne yejyeknawatilis wan ina ken ijtuk iwan ne achtu Cristianojmet kwak mikik Yeshu.

• Tipan witzet ne 21 tajkwilul (epístolas ush cartas). Yejemet mutawawasujket pal kinhilwiat ne ajachtu teupan Cristianoj katiawel ne tamachtilis yek, pal kinnawatiat wan kinpalewiat kwak te kimatit tay kichiwaskiat, wan pal kintuktiat.

• Ne achtu amat itukay Taneshtilis (Apocalipsis, Revelation). Ini techilwia tay yawi panu tik ne tujtunal witzet wan ken ne tijtipan tunal kwak muchi yawi tami. Yaja se amat uij pal tikmatit tay kineki ina.

Matay

Ne Iyeknawatilis Matay ne itukay ne achtu amat ipal ne Yankwik Sentaketzat. Yaja se pal ne nawi yeknawatilis. Ina tay kichiwki, ken tekitki, ken mikik wan muketzki senpa ne Yeshu. Matay kipia 28 takutun. Shiamatachia Matay tik Bible Gateway. (más…) ...
Leer Más

Marcus

Ne Iyeknawatilis Marcus ne ume ipal ne nawi yeknawatilis: yejemet ne ajamat intukay Matay, Marcus, Lukas wan Yojan. Ken ne sejseuk, yaja techilwia ken ne Yeshu, tay kichiwki, inak wan tamachtij, wan ken mikik. Marcus ne mas kutu ipal ne najnawi. Marcus kipia 16 takutun. Shiamatachia Marcus tik Bible Gateway. (más…) ...
Leer Más

Lukas

Ne Iyeknawatilis Lukas ne yey ipal ne nawi yeknawatilis. Yaja ne sea weyak ipal ne najnawi. Ini amat nusan ina tay muchiwki kwak nesik Yeshu, tay kichiwki, tay tamachtij wan ken mikik wan muketzki senpa. Ini amat wan Matay wan Marcus muchi kenhat. Melka uni, nikan nemit sejse casoj ipal Yeshu ne te muajsit tik ne sejseuk. Lukas kipia 24 takutun. Shiamatachia Lukas tik Bible Gateway. (más…) ...
Leer Más

Yojan

Ne Iyeknawatilis Yojan ne amat nawi ipal ne Yankwik Sentaketzat. Yaja ne tipan yeknawatilis. Ini amat techilwia ka Yeshu Mawaltijtuk Teut, ka yaja ne ipalabraj ne Teut mukweptuk takat wan walajtuk ne taltikpak. Tik ini amat, Yeshu kinhilwia ne mumachtianimet ka yaja ken ne Teut; ne ajachtu yey yeknawatilis te. Nusan, tik ini amat Yeshu kichiwa sujsul miak pal muishmati, pal titayulmatit ka yaja Teut. Ne Iyeknawatilis Yojan te kenha ken ne uksejse yeknawatilis: sejse inat ka te muchiwki muchi ken yaja ina, wan sejseuk inat ka yajini ne yeknawatilis sea tejkia. Yojan kipia 21 takutun. Shiamatachia Yojan tik Bible Gateway. (más…) ...
Leer Más

Tay Kichijket

Tay Kichijket Ne Tijtitanijtuk ne makwil ipal ne ajamat tik ne Yankwik Sentaketzat, wan witz ipan ne nawi yeknawatilis. Inat ka ne kitajkwiluj ini amat ne tajkwiluani ipal Ne Iyeknawatilis Lukas. Sejse kimatit ka ini ume amat kichiwat se: Lukas ne achtu takutun wan Tay Kichijket ne ukse takutun. Lukas techilwia ken ijtuk iwan Yeshu kwak yaja yultuk, wan Tay Kichijket techilwia tay panuk ijtik ne ajachtu Cristianoj kwak miktuya. Tay Kichijket kipia 28 takutun. Shiamatachia tik Bible Gateway. (más…) ...
Leer Más

Roma

Ne Tajkwilul Ne Kititanij Pawlo Itech Ne Tukniwan Ipal Roma ne achtu tajkwilul o cartaj tik ne Yankwik Sentaketzat. Roma kipia 16 takutun. Shiamatachia tik Bible Gateway. (más…) ...
Leer Más

1 Korinto

Pawlo se titanijtuk ipal Yeshu, melka tinaskiat ka te kishmatki yultuk. Tikmatit ká yaja ika ne Tay Kichijket techilwia tay kichiwki. Yaja pashaluj yajki tik miak tal wan techan, wan nujme kinpalewia katka ne ajachtu Cristianoj kiketzat ne insejsennemit ipal se techan wan ukse techan. Kwak kiajkawa se sennemit wan yawi pashalua tik ukse techan, Pawlo kitajkwilua katka ajamat pal kintajtanilia ne tekniwan ken ijtuk iwan ne sennemit, wan nusan kinnawatia katka wan kinhilwia katka tay yek wan tay teyek ma kichiwakan. Ne Achtu Tajkwilul Ipal Ne Tukniwan Ipal Korinto se amat ijkiuni ne kituktij Pawlo itech ne sennemit ipal ne Cristianojmet ipal ne techan itukay Korinto, tik Grecia. 1 Korinto kipia 16 takutun. Shiamatachia tik Bible Gateway. (más…) ...
Leer Más

2 Korinto

Inte tikmatit keman kitajkwiluj Pawlo Ne Ukse Tajkwilul Ipal Ne Tukniwan Ipal Korinto. Tikmatit ka Pawlo ajsi katka Korinto seujseujti wan kwak nemituya tik uksejse techan, sentajkwiluat katka. 2 Korinto kipia 13 takutun. Shiamatachia tik Bible Gateway. (más…) ...
Leer Más

Galatia

Pawlo tajkwiluj Ne Tajkwilul Ipal Ne Tukniwan Ipal Galatia pal kinhajwa ne tekniwan tik ne sennemit pal Galatia. Galatia se takutun ipal "Asia" (kineki ina Turquia). Galatia kipia chikwasen takutun. Shiamatachia tik Bible Gateway. (más…) ...
Leer Más

Epesos

Ikman kimatit katka ka Pawlo ne tajkwiluj Ne Tajkwilul Ipal Ne Tukniwan Ipal Epesos; melka uni, ashan miak tamatini inat ka tesu yaja, sute seuk kitajkwiluj kwak kichiwa wey tiempoj ka Pawlo tajkwilujtuya ne iajamaw. Epesos kipia chikwasen takutun. Shiamatachia tik Bible Gateway. (más…) ...
Leer Más

Pilipoy

Pawlo tajkwiluj Ne Tajkwilul Ipal Ne Tukniwan Ipal Pilipoy. Pilipoy se techan tik Grecia kan nemituya se sennemit Cristianoj tik ne ajachtu shiwit. Inat ka ini sennemit sujsul kitasujta katka Pawlo, wan yaja nusan kintasujta katka wey. Pilipoy kipia nawi takutun. Shiamatachia tik Bible Gateway. (más…) ...
Leer Más

Kolosay

Kenha ken Epesos, ashan sejse inat ka Pawlo inte ne yekkaya tajkwiluani ipal Ne Tajkwilul Ipal Ne Tukniwan Ipal Kolosay. Kolosay katka se techan ipal Turquia te wejka Epesos. Ne ajamat ipal Epesos wan Kolosay te sujsul tekenhat. Inat ka ini ajamat te kenhat ken ne iajamaw ne mutajkwilujket achtu, kwak Pawlo nemituya yultuk. Kolosay kipia nawi takutun. Shiamatachia tik Bible Gateway. (más…) ...
Leer Más

1 Tesalonika

Ne Achtu Tajkwilul Ipal Ne Tukniwan Ipal Tesalonika anka ne achtu amat ipal Pawlo wan nusan ne amat ipal ne Yankwik Sentaketzat ne mujkwiluj achtu, anka tik ne shiwit 51. 1 Tesalonika kipia makwil takutun. Shiamatachia tik Bible Gateway. (más…) ...
Leer Más

2 Tesalonika

Melka inat katka ka Ne Ukse Tajkwilul Ipal Ne Tukniwan Ipal Tesalonika ne seuk ipal ne ajamat ne kitajkwiluj Pawlo ipal ne tekniwan ipal uni techan, ashan miak inat ka anka tesu Pawlo kitajkwiluj. 2 Tesalonika kipia yey takutun. Shiamatachia tik Bible Gateway. (más…) ...
Leer Más

1 Timoteo

Ne Achtu Tajkwilul Ipal Timoteo, ne Ukse Tajkwilul Ipal Timoteo wan Ne Tajkwilul Ipal Titus muilwiat ne "cartas pastorales". 1 Timoteo kipia chikwasen takutun. Shiamatachia tik Bible Gateway. (más…) ...
Leer Más

2 Timoteo

Ne Ukse Tajkwilul Ipal Timoteo ne ume ipal ne "cartas pastorales" (shikita tay tinaket ipanpa 1 Timoteo). Sejse inat ka Pawlo tajkwiluj, wan sejseuk ka inte. Su te Pawlo ne tajkwiluani sute seuk ká yultuk kwak Pawlo miktuya, kineki ina ka nusan te mutajkwiluj ipal Timoteo. Anka yaja ipal muchi ne sennemit, tik ne tujtunal kwak sejse pejket mushijshikuat iwan sajsankatamachtilis. 2 Timoteo kipia nawi takutun. Shiamatachia tik Bible Gateway. (más…) ...
Leer Más

Titus

Ne Tajkwilul Ipal Titus ne yey ipal ne "cartas pastorales" (shikita 1 Timoteo). Uksenpa, te muchi inat kenha: sejse, ka Pawlo kitajkwiluj, sejse, ka inte. Titus kipia yey takutun. Shiamatachia tik Bible Gateway. (más…) ...
Leer Más

Pilemon

Ne Tajkwilul Ipal Pilemon ne mas chikitik ipal ne ajamat ijtik ne Yankwik Sentaketzat. Muchi kimatit ka Pawlo yajasan tajkwiluj ini amat. Kitajkwiluj kwak yaja nemituya tzaktuk. Pilemon kipia sema se takutun. Shiamatachia tik Bible Gateway. (más…) ...
Leer Más

Ebrayujmet

Te tikmatit ká kitajkwiluj Ne Tajkwilul Ipal Ne Ebrayujmet; anka yaja se imumachtiani Pawlo, pero tesu Pawlo yajasan. Ebrayujmet kipia 13 takutun. Shiamatachia tik Bible Gateway. (más…) ...
Leer Más

Yakob

Ne Itajkwilul Yakob te ken uksejse amat ipal ne Yankwik Sentaketzat. Mumati ka se itukay Yakob kitajkwiluj. Katiawel ini Yakob? Te kimati! Tinaskiat ka anka kitajkwiluj se Yudayuj, o se Yudayuj mukweptuk Cristianoj. Yakob kipia makwil takutun. Shiamatachia tik Bible Gateway. (más…) ...
Leer Más

1 Pedro

Ne Achtu Tajkwilul Ipal Pedro se amat ipal sejse sennemit ne panut katka teyek tik Asia (ne ashan Turquia). 1 Pedro kipia makwil takutun. Shiamatachia tik Bible Gateway. (más…) ...
Leer Más

2 Pedro

Ne Ukse Tajkwilul Ipal Pedro anka ne tipan amat ne mutajkwiluj ipal ne Yankwik Sentaketzat. 2 Pedro kipia yey takutun. Shiamatachia tik Bible Gateway. (más…) ...
Leer Más

1 Yojan

Ikman panutuk inat katka ka sanse takat — ne muilwia "Yojan ne Tayeknawatiani" — kitajkwiluj Yojan (ne yeknawatilis nawi), Ne Achtu Tajkwilul Ipal Yojan wan uk ume itajtajkwilul ipan witzet, wan anka ne Taneshtilis nusan. Ne tamatinimet pal ashan inat ka te ijkiuni. 1 Yojan kipia makwil takutun. Shiamatachia tik Bible Gateway. (más…) ...
Leer Más

2 Yojan

Ne Ukse Tajkwilul Ipal Yojan anka nusan kitajkwiluj ne tajkwiluani ipal 1 Yojan (wan 3 Yojan). 2 Yojan kipia sema se takutun. Shiamatachia tik Bible Gateway. (más…) ...
Leer Más

3 Yojan

Ne Tajkwilul Yey Ipal Yojan ne mas kutu amat tik ne Yankwik Sentaketzat. Yaja se amat ipal se takat itukay Gaius. 3 Yojan kipia sema se takutun. Shiamatachia tik Bible Gateway. (más…) ...
Leer Más

Yuda

Ne Itajkwilul Yuda se kutu amat ne mutajkwilujtik tik ne tijtipan shiwit ipal ne achtu sigloj; inte tikmatit ká ipal. Yuda kipia sema se takutun. Shiamatachia tik Bible Gateway. ...
Leer Más

Taneshtilis

Ne Itaneshtilis Yojan ne tipan amat ipal ne Yankwik Sentaketzat. Yaja chiupi weyak, wan te kenha ken muchi ne sejseuk; yaja munutza se amat "apocalipticoj". Uni kineki ina ka yaja taketza ipanpa tay yawi muchiwa, ken yawi tami muchi, wan sejse tay ne tajkwiluani kitak (ika muneshtij ishpan ne ijish) kwak kitemikik o tik se tachialis. Taneshtilis kipia 22 takutun. Shiamatachia tik Bible Gateway. (más…) ...
Leer Más